318. ATULÖ LOWALANGIDA

2. Fefu nilau dödö-Nia, no oi mo’ahonoa.
   He lö oroma ua na, to’ele sa dania.
   Ha Keriso hati saro, sandrohu fekolida,
   da’ö dötönaföda.




3. Andrö wa no Itehegö, möi Yesu salahida.
   Fa’amate ba femaoso, tobali femönada.
   Me somasi dödö-Nia, na dozi auri ita,
   lö Itehe te’ala.




4. Yesu gumbu wa’aurida, sangorifi ya’ita.
   He auri, he mate ita, amatöröwa-Nia.
   Ya böi mangiwa dödöda, tötönaföda Ia,
   same’e fa’aurida.




5. Ba zi so Yesu So’aya, khamötö wa’aurida.
   I’omusoi’ö dödöda, dozi tana khö-Nia.
   Fa’afökhö lö falukha, fa’abu dödö taya,
   no oi mo’ahonoa.




6. Ba wamati, tatötöna, takhamö zi so Ama.
   Na oi sanau ölö ita, ba wolo’ö So’aya.
   Ha Ya’ia ni’o’öda, sagötö fa’aurida,
   irugi gamozua.