1. HALELUYA KHÖ YEHOWA

2. Ya’ahowu dozi niha, samati khö Yehowa.
   Sanötöna fangorifi, ba döi Yesu So’aya.
   Saro tödö ba da’ö, fa’auri dötönafö.
3. Yehowa zamokai hörö, ba samè khöda haga.
   Ibönökhi göi wame’e, fefu zoguna khöda.
   Lö manö faröi Ia, ba nifabu’u-Nia.
4. Salawa yawa Zalawa, Lowalangi Yehowa.
   Andrö ta’o’ö li-Nia, lö manö baero-Nia.
   No so Ia ba khöda, Haleluya khö-Nia.

Baca Selengkapnya (klik di sini...)

2. SUNO ZO’AYA SAMATI KHÖNIA

2. Suno Zo’aya me Ibè mbuala, me Idozigö wame’e si sökhi.
   Ba no fahöna Ibè ba zamati, suno Zo’aya.
3. Suno Zo’aya Irorogö ita, I’ohe ita ba lala satulö.
   Dozi niha sedöna ae molo’ö, suno Zo’aya.
4. Suno Zo’aya me lö aefa’aefa, oi Ihörögö zamati khö-Nia.
   Afu khö-Nia manötöna ira, suno Zo’aya.
5. Suno Zo’aya me kubalo Ia, Ifolombase, Ibe’e zabönö.
   Ifasao ita ba zahono dödö, suno Zo’aya.
6. Suno Zo’aya sanimba te’ala, si no elungu, I’ohe ba lala.
   Ibe’e wotu ba famangelama, suno Zo’aya.
7. Suno Zo’aya solului khöda, na tebai ita ba wolawa horö.
   Itolo ita ba wasöndratada, suno Zo’aya.
8. Suno Zo’aya me Ibe Geheha, sondrara tödö na tosasa ita.
   Oi Ifasao, Itolo göi ba lala, suno Zo’aya.
9. Suno Zo’aya si lö faröi khöda, he no faröi khöda fefu nawöda.
   Lö sa faröi khöda Lowalangida, suno Zo’aya.

Baca Selengkapnya (klik di sini...)

3. MASUNO'Ö YEHOWA

2. Sumange la’ohe khö-U, mala’ika awö niha.
   Dozi ira manunö, lasunosuno Yehowa.
   Lira lö mo’aetufa, götögötö wa’ara.
3. Ya ahakhö dödö-Mö, wamolala ae tödöma.
   Be’e howuhowu-Mö, me no Öfabu’u khöma.
   Khö-U madönadöna i, me khö-U so wangorifi.
4. Solomasi Ndra’ugö, ba mboto he ba nosoma.
   Ö’efa’ö ndra’aga, ba wamaelungu zatana.
   Ya'ugö gubaloma, sondrorogö ya’aga.

Baca Selengkapnya (klik di sini...)

4. NA HÖNÖ MBAWAGU ENA'Ö

2. Nahönö nawögu ena’ö, si oi tana khö Zo’aya.
   Sangosara tödö wanunö, fanuno Lowalangida.
   Me no fondrege zebua, mbuala nibe’e-Nia.
3. Sökhi ululu wa’aurigu, amatöröwa Geheha.
   U’oguna’ö halöwögu, famolakhömi Yehowa.
   Ba fefu zi no utema, ube’e sumange-Nia.
4. Utandrösaigö khö Zo’aya, wanunö fao fangandrögu.
   U’andrö bè khögu Geheha, samaoso era’eragu.
   Wangai halöwö Zo’aya, fatua aurido nasa.
5. Usunosuno Lowalangi, si sökhi tödö ba khögu.
   Me no utema wa’omasi, si sandrohu fa’aurigu.
   Si lö famaedo ba niha, wa’ebua dödö-Nia.

Baca Selengkapnya (klik di sini...)

5. SUNO YEHOWA

2. Suno Yehowa, Ya’ia zomböi si so fefu.
   Me Irorogö mbotoda awö wa’aurida.
   Ibe’e na wa’omuso dödöda, andrö da tasuno Ia.
3. Suno Yehowa, da’ö zangorifi ya’ita.
   Samadöhö fökhö, sangabölö’ö ya’ita.
   Ituturu khöda zindruhu lala, afu dozi auri ita.
4. Suno Yehowa si no fahöna fa’omasi.
   Me sangefa’ö ya’ita ba huku horöda.
   Samolala, sangorifi ya’ita, suno Ia, Haleluya.

Baca Selengkapnya (klik di sini...)

6. YESU WONDREGE ZALAWA

2. Khö-Nia wa’asalawa, ba hadia wa’ebua, oi khö-Nia so manö.
   He si yawa ba zorugo, he si so ba gulidanö, oi Ya’ia zokhö ö, oi Ya’ia zokhö ö.
3. Wa’ö khögu döi sebua, töi wa’asalawa niha, simane töi-Nia sa.
   Ha Ya’ia zamatörö, sangorifi, sondrorogö; Ono Lowalangida,Ono Lowalangida.
4. Sebua lakhömi Ia, lö manö famaedo-Nia, mane lakhömi Nama.
   Ha Ya’ia zamatörö, sangorifi, sondrorogö; Ono Lowalangida, Ono Lowalangida.

Baca Selengkapnya (klik di sini...)

7. KHÖU-KHÖU YEHOWA MANUNÖDO

2. Dönisido khö-Mö he Yesu, ya khö-U manö sa’ae wa’aurigu.
   Ya so ba dödögu Geheha, sangila mamasao ya’odo khö-U.
   Afu’afugu lö uböhöli, wangalulu khö-Mö, Sangorifi.
3. Tolo ndra’odo he So’aya, ena’ö sökhi wanunögu khö-U.
   Fa böi tobali fayafaya, wolaugu khö-U sinunö sibohou.
   Ena’ö sango’ou tödögu göi, Geheha-Mö andrö si lö faröi.

Baca Selengkapnya (klik di sini...)

8. MANUNÖ ITA KHÖ YEHOWA

2. Nisuno Lowalangi Ama, si lö manehe na taya ita.
   No Ifatenge Nono-Nia, salahida ba huku horöda.
   Afu auri zamati khö-Nia, da’ö duho wa’omasi-Nia.
3. Dönisi na khö-Mö dödöma, Yehowa, Ama, Lowalangima
   Eheha-Mö Öbe’e khöma, sangehao era’era dödöma.
   Sama’ema khöma fa’abölö, ena’ö oi dozi sanau’ölö.
4. Falua orifiga Ama, Öheta fefu gabula dödö.
   Fefu zanaisi famatima, abölö’öga wanaögö da’ö.
   Me tanakhö-U ndra’aga Yehowa, masuno Ndra’ugö, Haleluya.
5. Ma’andrö saohagölö, Ama, me tola möiga khö-U ba döi Yesu.
   Ya’ia ba gambölö-U Ama, sangandröngandrö salahima khö-U.
   Lowalangi si Samösa Tölu, masuno irugi zi lö aetu.

Baca Selengkapnya (klik di sini...)

9. BÖI TEBATO WANUNOGU

2. No töra moroi khö nina, wendroro ononia,
   Wamaeri Yesu So’aya, ya’o tana khö-Nia.
   Me omasi Lowalangi, na auri göi ndra’odo.
   Andrö wa no Ikaoni, afu u’o’ö Keriso.
   Lö faröi sa Zo’aya, he adudu danöda.
3. Ifatenge Nono-Nia, Ama, Lowalangigu.
   Itehe nibunu Ia, si möi fangorifigu.
   He tödögu, lau anunö, böi olifu ndra’ugö.
   Angalulu khö Yesu, me sangorifi ya’ugö.
   Lö faröi sa Zo’aya, he adudu danöda.
4. No Ibè Geheha-Nia, samatörö tödögu.
   Awö daroma li-Nia, wamohaga lalagu.
   Sangaro’ö famatigu, sondrou’ö fanötöna.
   Solawa emaligu, ba ginötö watelesa.
   Lö faröi sa Zo’aya, he adudu danöda.
5. Irorogö sa ndra’odo, Ibönökhi zoguna.
   He na mofökhö ndra’odo, lö Iröido So’aya.
   Ba wofanö Ilumö’ö, fa lö göna te’ala.
   Ifasugi ba dödö, wanunonuno Ya’ia.
   Lö faröi sa Zo’aya, he adudu danöda.
6. He So’aya, amölido, wanörö ulidanö.
   Fa lö te’ala ndra’odo, me oya wanandraigö.
   Böi famalö amenesi, ndra’odo na elungu.
   Efa’ödo ba horö, si no emali dödögu.
   Rorogödo, So’aya, irugi gamozua.

Baca Selengkapnya (klik di sini...)

10. MOROI BA DÖDÖDA

2. He Lowalangima, So’aya Ama khöma,
   Rorogö ndra’aga, tuturu halöwöma.
   Fatörö ndra’aga, ba lala saekhu khö-U,
   Ba niha baerogöi, hakhösi na dödö-U.
3. Yehowa So’aya, be howuhowu khöma.
   Azökhi dödöma, fa’abölö Geheha.
   Heta mba’aba’a, ba atulö’öga.
   Hagaini dödöma, ba amoni’öga.
4. Masuno Ndra’ugö, he Lowalangi, Ama.
   Ono-U masuno göi, ba si manö Geheha.
   Si Samösa Tölu, moroi ba mböröta,
   Lö tebulöbulö, khö-Mö wa’aurima.

Baca Selengkapnya (klik di sini...)

11. HE LOWALANGIMA

2. He banua yawa, Lowalangi suno, fa’abölö-Nia tunö.
   He luo ba bawa, döfi ba mbanua, misunosuno Zo’aya.
   Niwöwöi Yehowa mi’oigö manunö, So’aya misuno.
3. He ya’ugö tödö, tödögu anunö, suno zanolo ya’ugö.
   Haniha zohanu, ya omuso dödö, wangalulu lö mamalö.
   Ya’ia Zo’aya, si lö aetu Ia, sumange khö-Nia.
4. Ndra manunö fefu, dana khö Zo’aya, si no möi banua-Nia.
   Ndra manunö fefu, zanötöi Keriso, sangendröna fao khö-Nia.
   Ya fefu nilauda, ya oi manandrösa fanuno Zo’aya.

Baca Selengkapnya (klik di sini...)

12. NISUNO LOWALANGIDA

2. Lasuno banua yawa, zi no fondrege yawa.
   Ba ulidanö ölia, fao awö nösinia.
   Lasunosuno Zabölö, Somböi ya’ira, ba Sokhö, andrö tasuno Ia.
3. Niwöwöi Lowalangida, Ifaigi, Irorogö.
   Ilumö’ö tanga-Nia, ba wa’omasi-Nia.
   Dozi solo’ö li-Nia, la’omasi’ö nawöra, andrö tasuno Ia.
4. Ta’angaröfi li Ia, me lö lala dödöda.
   Tafati wa Ifolala, Ibe wangorifida.
   Sabölö ba Samatörö, So’aya, Sangomasi’ö, andrö tasuno Ia.
5. Lö faröi Lowalangida, faofao sa Ia khöda.
   Ya’ia lembalembada, ba lala wekolida.
   Tödö nama dödö-Nia, no Ifa’ele’ö khöda, andrö tasuno Ia.
6. Sagötö fa’auri andre, tafosumange Ia.
   Ya lö tebato wanunö, ndra wondrondrongo niha.
   He iya’e, he dania, ba lö awu’a li-Nia, andrö tasuno Ia.

Baca Selengkapnya (klik di sini...)

13. SUNO ZO'AYA YA'UGÖ TÖDÖ

2. Same’e aefa khöu horöu fefu, sangohahau’ö tödömö.
   Sanolo göi ba sahakhö tödö, ba sondrorogö ya’ugö.
   Me lö fanolo ba niha, angaröfi li Yehowa, Haleluya, Haleluya.
3. No sahakhö sibai tödö Zo’aya, ba sebua tödö Ia.
   Oi mo’ola watahisa-Nia, ba oböwö sibai göi na.
   Lö Isulöni horöda, me sebolo tödö Ia, Haleluya, Haleluya.
4. No tödö nama ba ndraononia, dödö Zo’aya ya’ita.
   Dozi sangata’ufi Ya’ia, oi Ibönökhi zoguna.
   Sebua tödö sa Ia, no götögötö wa’ara, Haleluya, Haleluya.

Baca Selengkapnya (klik di sini...)

14. SUNO YESU, TASUNO YESU

2. He So’aya, sebua tödö Ndra’ugö khöma,
   ma’andrö saohagölö ia khö-U.
   Masuno Ndra’ugö, masuno Ndra’ugö.
   
3. Ha Ya’ugö, zangomasi’ö, ya’aga fefu,
   ba sangatulö niha khö Nama.
   Sangatulö niha, sangatulö niha.
   
4. He tödögu, böi olifu’ö, zi sökhi fefu,
   si no Ibe’e Yesu So’aya.
   Fa’omasi-Nia, fa’omasi-Nia.
   
5. Lö tesöndra, ba gulidanö, si mane Yesu,
   solohe fefu niha khö Nama
   Ba lakhömi-Nia, ba zorugo yawa.

Baca Selengkapnya (klik di sini...)

15. DOZI ITA DA TASUNO

2. Ya’ahowu ae zanöndra, Lowalangi sindruhu.
   Sangalui tola isöndra, na mamati khö Yesu.
   Ba tadönadöna na, watolosa Zo’aya, watolosa Zo’aya.
3. Andrö wa toföfö danö, ba toföfö göi nasi.
   No Ya’ia zanguma’ö, andrö wa maulu sökhi.
   Fefu na mbö’önia, oi nihonogöi-Nia, oi nihonogöi-Nia.
4. Ifatörö fefu niha, wangaro’ö tödöra.
   Fa dozi oi manötöna, ba nifabu’u-Nia.
   Lowalangi, Yehowa,tasuno Haleluya, tasuno Haleluya.

Baca Selengkapnya (klik di sini...)

16. NISUNO LOWALANGIDA SAHAKHÖ TÖDÖ

2. Sahakhö tödö Zo’aya, khöda fefu sowanua, si so ba gulidanö.
   Ya’ia zindruhu haga, ba wohagaini tödöda, ba wa’ebua dödö.
   Duhu, duhu, Ihagaini, Ifoloi zogömigömi, ena’ö oi tebohouni.
3. Ba me no tohare haga, ba zi sagörötanöda, da tasuno Yehowa.
   Da’ö zomasi Zo’aya, ya ta’oguna’ö haga, fangoroma horöda.
   Duhu, duhu, no omasi Lowalangi na oiauri, zamati si no Ihöli.
4. Oi dozi te’ala niha, sondröi, sangerogö haga soroi Lowalangida.
   Lö fao ira ba wogaoni, ba wogamö naha Nama, na luo safuria.
   Sökhi, sökhi, na talulu wa’aurida dozi ita, amatöröwa Geheha.

Baca Selengkapnya (klik di sini...)

17. YEHOWA ZAMASAO YA'O

2. Fondrondrongo wanunögu, fangandrö saohagölö.
   Sandrohu sa fa’aurigu, lö si faröi Ndra’ugö.
   Andrö utanö ba dödö, lö manö u’olifugö,
   nilau Yehowa khögu.
3. He Lowalangi, fasaodo, ba döröwagu fefu.
   Ba zi toröi wa’aurigu, ya fao awögu Yesu.
   Fa lö ubato wanuno, ufolakhömi Yehowa,
   irugi zi lö aetu.

Baca Selengkapnya (klik di sini...)

18. HE TÖDÖGU ANUNÖ

2. No Ifa’ema khöda, daroma li fangorifi.
   Si möi fangefa horö, börö Yesu, Sangöhöli.
   Sebua tödö Ia, ba solakhömi göi.
   Ibè wa’anau gölö, ena’ö lö faröi,
   Ba fefu golalöwa, no oi te’asiwai.
   Börö Keriso, Yesu, same’e fa’auri.
3. No amaedola nama, sondrorogö ononia.
   Töra wolau Zo’aya, ba zi numana tödö sa.
   Hewa’ae side’ide, ba si lö moguna.
   No amaedola mbunga, sagalio taya.
   Manö wa’auri niha lö mo’ahonoa.
   Lö sa faröi Zo’aya ba dana khö-Nia.
4. Fao khöda Lowalangi, irugi ba zi lö aetu.
   Me duhu lö tewu’a, fefu zi no Ifabu’u.
   Ya’ia sa Yehowa, Fondrege Zalawa.
   Fefu niwöwöi-Nia, sanuno Ya’ia.
   Fao awö mala’ika, oi enoni-Nia.
   He tödö, da tasuno, Lowalangi, Ama.

Baca Selengkapnya (klik di sini...)

19. TASUNOSUNO LOWALANGI

2. Tasuno Wondrege Zalawa, ba samatörö ya’ita.
   Ebua wa’omasi-Nia, sahölihöli dödöda.
   Itehe mate ba röfa, Nono-Nia salahida.
3. Ta’oigö dödöda wanuno, Lowalangida, So’aya.
   Samè famati ba dödöda, si lö’ö khöda meföna.
   Ta’omusoi’ö dödöda, me fa’aurida Zo’aya.
4. Ya’e dödöma, Sangorifi, era’erama, boto göi.
   Si hulö nono mbiribiri, sumange nibe’ zamati.
   Ba wa’ebua dödö-Mö, aro’öga tana khö-Mö.

Baca Selengkapnya (klik di sini...)

20. MISUNOSUNO ZO'AYA

Mohon Maaf, audio untuk lagu ini belum tersedia...!

2. No sebua tödö Ia, ba nitutuyu-Nia.
   Me no moroi ba mböröta, lö si faröiröi Ia.
   Fa’omasi Lowalangi, zangomusoi’ö tödömi,
   andrö milau manunö.
3. He Yesu, böi böhöliga, ba lala ba zorugo.
   Afu aro dödöma khö-U, he so wa’abu dödö.
   Me sisökhi lualua, niwa’ö ba daroma li,
   si no wa’ema khöma.

Baca Selengkapnya (klik di sini...)

21. LOWALANGIDA NO FA'OMASI

2. Ya’o nifesu ba wesu horö, ya’o nikuru abudödö.
   Andrö samuza tö ufaduhu’ö, Lowalangida Fa’omasi.
3. Yesu zangefa, Ibe’e Ia, fangöhölida ba horöda.
   Andrö samuza tö ufaduhu’ö, Lowalangida Fa’omasi.
4. Ha Fa’omasi zondrara tödö, ha Fa’omasi zamadöhö.
   Andrö samuza tö ufaduhu’ö, Lowalangida Fa’omasi.

Baca Selengkapnya (klik di sini...)

22. YESU HA UBE FANUNO

2. Ae dönisi göi dödögu, wanöngöni nilau-Mö.
   Ba bokai hörö dödögu, fa u’ila dödö-Mö.
   No fahöna wa’omasi, fatolosa, fangorifi.
   Fa’ahakhö dödö-Mö, fefu mbörö ba da’ö.
3. He abu sibai dödögu, na gönado fotu-Mö.
   Ba wangoroma’ö khögu, fa’omasi-Mö andrö.
   Da’ö lala ba wogaoni, ya’odo ba wangorifi.
   Lö omasi Ndra’ugö, na te’ala ndra’odo.
4. Fondrorogö nama ono, wondrorogö-Mö ya’o.
   Hulö ae ba gafi moyo, wolohe-Mö ya’odo.
   Na so mbaho fama’ala, Ötaya fa böi te’ala.
   Na so hili wamakao, Ö’onoro, Öfasao.
5. No fahöna howuhowu, ha wa’oya mbuala-U.
   No Ötandrösaigö khögu, wangorifi mbanua-U.
   Ha khö-U u’ohe zinunö, ba fangandrö saohagölö.
   Ya sumange-Mö ndra’o, khö-U ululu ndra’odo.

Baca Selengkapnya (klik di sini...)

23. MI'ANUNÖ OMASI LOWALANGI

2. Terongo li, irugi misiyawa,
   ba zorugo, wamosumange Ama.
   Sanolo ae, sanolo ae.
3. Lö sökhi na wanunöda ba danö,
   nafuri sa, na ba zorugo yawa.
   Ba sökhi ae, ba sökhi ae.

Baca Selengkapnya (klik di sini...)

24. TASUNO LOWALANGI BA ZORUGO

2. Tasuno Lowalangi ba zorugo, same’e luo, bawa, ba döfi.
   Samè sihombo ba dalumbanua, ba saliwa ba danö, ba nasi.
   No te’asogö göi gurifö niha, fefu zoguna oi Ibönökhi.
   Alai niha wa la’erogö Nama, me lawaioi fa’abölöra göi.
3. Tasuno Lowalangi ba zorugo, me somböi niha famaedo-Nia.
   Itehe wamatörö ulidanö, ba sihombo ba dalumbanua.
   Ena’ö dozi sanuno Ya’ia, ba sangerönu oroisa-Nia.
   Alai niha meoi lö fangenanö, oi la’o’ö li famaelungura.
4. Tasuno Lowalangi ba zorugo, samatenge Yesu höli niha.
   Solohe fangefa ba gulidanö, afu auri zamati khö-Nia.
   Alai niha wa la’erogö Yesu, lö lafondrondrongo li Geheha.
   Me no tobini khöra wa so huku, na mangawuli Yesu So’aya.

Baca Selengkapnya (klik di sini...)

25. YEHOWA YEHOWA YEHOWA

2. He Yesu, he Yesu, he Yesu, sangöhöli ya’aga ba horö.
   Do-Mö höli, lö aefa ba dana khö-Mö, wanunonuno töi-Mö
   Töi si lö famaedo, nisuno irugi zi lö aetu, Haleluya, Haleluya.
3. Eheha, Eheha, Eheha Lowalangi, sohagaini niha.
   Aine khöma Ya’ugö zolohe haga soroi zorugo yawa.
   Hagaini dödöma, ba tödö dalifusöma fefuHaleluya, Haleluya.

Baca Selengkapnya (klik di sini...)

26. FEFU ITA DA TASUNO

2. He iraono, he satua, da tasuno Zo’aya,
   Me da’ö zomasi Ia, na oi tasuno Ia.
3. He na lö terongo lida, na mangandrö dödöda.
   No oi i’ila So’aya, Ibe’e ni’andröda.
4. Böi mo’aetufa wangandrö, ba fanuno So’aya.
   He na bongi, he ma’ökhö, tödömö bè khö-Nia.

Baca Selengkapnya (klik di sini...)

27. YEHOWA WA'ABÖLÖGU

2. Yehowa wa’abölögu, me umbu wa’omasi.
   Ibe’e khögu Zangefa, Yesu simöi salahi.
   Da’ö zomuso dödögu, fa’ebua dödö-Nia,
   usuno Lowalangi.
3. Yehowa we’ewe’eda, me kubalo sindruhu.
   Ba no Ama Ia khöda, börö Keriso Yesu.
   Da talulu wa’aurida, wanunonuno Yehowa,
   irugi zi lö aetu.

Baca Selengkapnya (klik di sini...)

28. FOLAKHÕMI LOWALANGI

2. Folakhömi Lowalangi: no Razo Solomasi.
   Lowalangi sangöhöli, sangorifi fefu soi.
   Haleluya, Haleluya sangorifi fefu soi.
3. Folakhömi Lowalangi: si no Razo Sebua.
   Razo Ia ba zorugo he ba niwöwöi-Nia.
   Haleluya, Haleluya suno Razo Sebua.
4. Folakhömi Lowalangi götögötö wa’ara.
   Ba dozi niwöwöi-Nia be’e zumange-Nia.
   Haleluya, Halelya be’e zumange-Nia.
5. Folakhömi Lowalangi no Fondrege Zalawa.
   Me sokhö sorugo Ia, tanö awö mbanua.
   Haleluya suno Ia götögötö wa’ara.

Baca Selengkapnya (klik di sini...)

29. MASUNOSUNO NDRA'UGÖ

2. No Öbè wangefa horö no Öbè howuhowu.
   Umbu nidanö aurifa fa’omasi sindruhu.
   Samalua fa’omasi Öbali’ö tana khö-U.
   Ya möi dumaduma khöma wa’omasi nibe’e-U.
3. Ba niwöwöi-Mö So’aya oi to’ele lakhömi-U.
   Si so ba mbanua yawa he ba gulidanö tou.
   Mala’ika ba zorugo he göi niwöwöi fefu.
   Fao niha omböila-Nia oi dozi mangalulu.
4. Da tasunosuno Ia soroi sibai dödöda.
   Suno Ia lö mamalö ba wa’omasi-Nia.
   Böi awuwu böi atage he na oya wangala.
   Faduhu’ö fao fanunö wa solomasi Ia.

Baca Selengkapnya (klik di sini...)

30. BA NA UFAIGI MADALA

2. Ba na ufaigi madala sihaga, na urongo weugu mbanua.
   Ba lö aetu wa’ahöli dödögu wangi’ila niwöwöi Yehowa.

   Lowalangi Fondrege Zebua, suno Ia Haleluya.
   Lowalangi Fondrege Zebua, suno Ia Haleluya.

3. He So’aya na u’erönu tödö mbuala-Mö wangefa’ö horö.
   Tokea ndra’o me khögu tetöfaigö nibè Yesu do ni’amoni’ö.

   Lowalangi Fondrege Zebua, suno Ia Haleluya.
   Lowalangi Fondrege Zebua, suno Ia Haleluya.

4. Na Ikaoni ndra’o dania So’aya, fondrege wa’omuso dödögu.
   Me fefu ni’andrögu no utema, wangi’ila lakhömi-Mö Yesu.

   Lowalangi Fondrege Zebua, suno Ia Haleluya.
   Lowalangi Fondrege Zebua, suno Ia Haleluya.

Baca Selengkapnya (klik di sini...)

31. MIHAOGÖ LALA MIBOKAI

2. No fa’omasi Yehowa we’amöi Yesu ba khöda.
   Iröi lakhömi sebua ba fa’asalawa-Nia.
   Itehe tobali niha, ba wangöhöli ya’ita.
   Omuso dödöda, wanema Ya’ia.
3. Si lö ikhamö tödöda nilau Lowalangi Ama.
   Ba wangorifi ya’ita, si no elungu, no taya.
   Da talulu wa’aurida, tabè nihaogö Zo’aya.
   Omusodödöda, wanema Ya’ia.
4. He Yesu matehe khö-Mö, tödöma halö naha-Mö
   Mabè amatöröwa-Mö, fatörö ba zomasi’Ö
   Afu marugi, makhamö ba naha sahono dödö.
   Masuno Ndra’ugö Razo Sangatulö.

Baca Selengkapnya (klik di sini...)

32. AHATÖ AE ZO'AYA

2. Ahatö ae Zo’aya, möi tou ba danöda.
   Si no faduhu tödö, zangila Mesia.
   Somuso tödö ira wanuno Yehowa.
   Hozana wangowaira Fondrege Zalawa.
3. Ahatö ae Zo’aya, fosumange tödöu.
   Tödöu ae bè nihaogö, fa tobali bohou.
   Faondragö soroi dödö, böi rörö ndra’ugö.
   Öfa’anö wandrumö, ondrasi Razomö.
4. Ahatö ae Zo’aya, sondrara tödöda.
   Itolo, Ifolala, gabuladödöda.
   He numana dödöda, so dötönaföda.
   Ba luo safuria, omuso dödöda.
5. Ahatö ae Zo’aya, nifatenge Nama.
   Aefa sawuyu horö, zolo’ö Ya’ia.
   Ba wa’omasi-Nia, oi Ibohouni sa.
   He tanö, he banua, awö nösinia.
6. Ahatö ae Zo’aya to’ele ba niha.
   Möi Ia ba wogaoni ya’ita khö Nama.
   Ya dozi tafa’anö ita zamösana.
   Wanema’ö Ya’ia me fangorifida.

Baca Selengkapnya (klik di sini...)

33. INÖTÖ SI SO ITA IA DA'A

2. He Yehowa Lowalangi Ama, ha Ya’ugö nidönadönama.
   Sangefa’ö ba danga gafökha Ya’ugö zangorifi ya’aga.
   Me lö samolala tödöma, ba horöma si no fahöna,
   Öfatenge Yesu So’aya samè fangefa.
3. Saohagölö-U he Yesu So’aya, me möi’Ö tou ba gulidanöma.
   Ba wamalua oroisa Nama, wa möi’Ö wangöhöli ya’aga.
   Na ma’era’era tödöma, wa Ötehe tobali niha.
   Börö wa’omasi-U ndra’aga, Ö’orifiga.
4. Da ma’andrö ehaogö dödöma, ba wamaondragö Yesu So’aya.
   Ma’ila wa si tebai ndra’aga, na lö Ötolo sifao Eheha.
   Ena’ö monahia Zo’aya, we’amöi bakha ba dödöma.
   Tödöma amaedola luha, nahia Zo’aya.

Baca Selengkapnya (klik di sini...)

34. MASUNO AE NDRA'UGÖ

2. He Yesu aine khöma hagaini dödöma.
   Haga soroi zorugo fangoroma horöma.
   Ma’andrö khö-U So’aya atulö’ö dödöma.
   Afu tola matema Ndra’ugö So’aya.
3. Omuso ae dödöma nifakhoi-Mö Ama.
   No Öbè salahima Nono-U si ha samösa.
   Ya’ia Yesu So’aya, no nifatenge-U föna.
   Sangöhöli ya’aga ba huku horöma.
4. Ma’andrö saohagölö Lowalangi Ama.
   Me fa’omasi-U khöma duhu tebai nisu’a.
   Tologa ba wolo’ö somasi dödö-U Ama.
   Ya tobali sumange-U wozu wa’aurima.

Baca Selengkapnya (klik di sini...)

35. MIFAOSO SO ZO'AYA

2. Da’ö zumange-Nia,wanema Ya’ia.
   Be’e dödöu nihaogö, Zo’aya ya’ita.
   Fonaha ae li-Nia tanö ba dödömö.
   Ba be’e dali Ia, ba gamuatamö.
3. He sinumana tödö, so wangorifida.
   Ya dozi oi tatema, wa’omasi-Nia.
   Tötönaföda Ia, me So’aya Sokhö.
   Tafosumange Ia, ba ta’omasi’ö.
4. Samuza tö so Yesu, möi ba wamöfö’ö,
   Ba wamalua huku, sitobali sulö.
   He sauri, he simate, farahu ba da’ö.
   Samati dozi auri, oi omuso dödö.

Baca Selengkapnya (klik di sini...)

36. SUNO YEHOWA YA'IA ZALAWA ZORUGO

2. Lowalangima So’aya, solomasi khöma.
   Si no mamatenge khöma Keriso So’aya.
   Ba wangorifi ya’aga, si no elungu taya.
   Masuno’Ö Haleluya.
3. No tumbu Ia ba kandra, ba Mbetilekhema.
   Iröi lakhömi sebua ba zorugo yawa.
   Möi Ia tou ba danöda, tobali ösi niha.
   Masuno’Ö Haleluya.
4. Tatema Ia tödöda me fangorifida.
   Me khöda sa manandrösa, we’aso Mesia.
   Ya’ia zindruhu haga, sohagaini tödöda.
   Masuno’Ö Haleluya.
5. He So’aya ae tologa, hagaini dödöma.
   Ena’ö mo’ahonoa Ndra’ugö ba khöma.
   Duhu möi fangorifima li-Mö niwa’ö-U khöma.
   Masuno’Ö Haleluya.

Baca Selengkapnya (klik di sini...)

37. HE YESU SANGORIFI NIFATENGE NAMA

2. Ma’andrö khö-U he Yesu böi sa talu’iga.
   Onahia dödöma ba fo’urakhaga.
   Haga soroi zorugo sangehao tödöma.
   Afu lö elunguga wanörö lalama.
3. Amualagö khöma wangorifi andrö.
   Si no sa Öfabu’u ba zamati khö-Mö.
   A’aro’ö dödöma ba daromali-Mö.
   Ha sambalö Ya’ugö khöma dötönafö.

Baca Selengkapnya (klik di sini...)

38. HE YESU HE'UWISA

2. No oya Öfanema, ndra’o fa’omasi-U.
   Oya sibai utandra, fa’ahakhö dödö-U.
   Öfa’anumana’Ö, wangalui ya’odo.
   No Öröi lakhömi-Mö, wangorifi ya’o.
3. Me no Ö’efa’ödo, ba huku horögu,
   Ba no Öfa’u’udo, fa’ebua dödö-U.
   Andrö wa lö ubato wanuno Ya’ugö.
   Ba ululu ndra’odo, möido enoni-Mö.
4. He Yesu böi famalö, wamehi’a tödö.
   Wangandrö ba fanunö, khö Nama ba Döi-Mö.
   Ya khö-U manö ndra’odo, ba okhötagu göi.
   Ya sumange-U ndra’odo, si lö sa’ae faröi.
5. Da utanö ba dödö, wa’omasi-U, Yesu.
   Ba da uturiaigö, wa’ebua dödö-U.
   Ya lö u’ila mbö’ö, ha Ya’ugö manö.
   Zi tobali sawatö, we’ewe’edödö.

Baca Selengkapnya (klik di sini...)

39. INÖTÖ WAMA'ANÖ

2. He Yesu no Ötehe möi’Ö tou ba gulidanö.
   Ba wolo’ö li Nama, ba wolohe fangatulö.
   Duhu wa somasi’Ö ba wangalui si so horö.
   Ena’ö lö tehuku dozi samati khö-Mö.
3. Tödöma mafa’anö ba wamaondragö Ya’ugö.
   Botoma ba fa’aurima malulu sumange-Mö.
   He So’aya tologa be’e khöma Geheha-Mö.
   Sangabölö ya’aga wanema’ö Ya’ugö.
4. Yae dödö si ta’unö, ma’ohe gametahö-Mö.
   Fao fangidengide’ö fangalulu soroi dödö.
   He Yesu ma’andrö khö-U, bohouni ba atulö’ö.
   Ya tobali sumange-U si lö mamalömalö.

Baca Selengkapnya (klik di sini...)

40. DA TASUNO ZO'AYA

2. No möi tou mala’ika wangombakha turia wa’atumbu Yesu So’aya.
   Iröi lakhömi-Nia ba zorugo si yawa tobali Ia ösi niha.
   Tabe’e dödöda nahia Zo’aya mane luha föröma-Nia.
   Yesu zindruhu haga sohagaini tödöda tatema ba böi tatimba.
3. Tafaondragö Mesia si tumbu khö Maria ba mbanua Mbetilekhema,
   Solohe khöda haga fangoroma lalada.
   Da tafaondragö böi tatimba, si möi salahida ba huku horöda.
   He Yesu aine khöma heta fefu horöma, ohahau sa’ae dödöma.

Baca Selengkapnya (klik di sini...)

41. TASUNO LOWALANGI

2. Mitabu tafaondragö, zawatö dödöda.
   Böi tafamalömalö, wanou’ö khö-Nia.
   Fefu gabula dödö si fahöna khöda.
   Ta’omusoi’ö tödö, me oi Ifolala.
3. Böi talu’i ndra’aga, tana khö-U So’aya.
   Tologa bè wangefa, ba huku horöma.
   Ha Ya’ugö nawöma, sahono dödöma.
   Me Ya’ugö Razoma sagötö fa’ara.

Baca Selengkapnya (klik di sini...)

42. TAHAOGÖ LALA ZO'AYA

2. Da’ö wa möi ba danöda Yesu sangorifi.
   Wolohe khöda fa’auri soroi Lowalangi.
   Fa’omasi Lowalangi ba niha fefu soi.
   Afu dozi te’orifi zaro ba wamati.
3. Böi sarörö tödö ita, falua wa’omasi.
   Böi awuwu ba böi faröi, aro’ö wamati.
   Lowalangi tatöngöni umbu wa’omasi.
   Samè khöda Ono-Nia Yesu sangorifi.
4. Ta’omusoi’ö dödöda ya’ita samati.
   Me so lala wangorifi wanöndra fa’auri.
   Yesu Keriso So’aya Ono Lowalangi.
   Solohe niha khö Nama yawa ba lakhömi.
5. He ya’ita zamösana tabokai dödöda.
   Ba wanema’ö Mesia sangatulö niha.
   Ta’omusoi’ö dödöda wanema Ya’ia.
   Suno Ia lö mamalö sangorifi niha.

Baca Selengkapnya (klik di sini...)

43. FAONDRAGÖ KERISO SO'AYA

2. Tasuno, tasuno Zo’aya ya’ita,
   Tasuno, tasuno ya maoso dödöda.
   Tasuno, tasuno Zo’aya ya’ita.
   Tasuno, tasuno ya maoso dödöda.
3. Talulu, talulu nihaogö dödöda.
   Talulu, talulu bè sumange-Nia.
   Talulu, talulu nihaogö dödöda.
   Talulu, talulu bè sumange-Nia.
4. Böi timba, böi timba duria Zo’aya.
   Böi timba, böi timba me fangorifida.
   Böi timba, böi timba duria Zo’aya.
   Böi timba, böi timba me fangorifida.
5. Tatema, tatema soroi ba dödöda.
   Tatema, tatema Zo’aya ya’ita.
   Tatema, tatema soroi ba dödöda.
   Tatema, tatema Zo’aya ya’ita.

Baca Selengkapnya (klik di sini...)

44. HOSIANA SO'AYA

2. Hosiana, So’aya, ma’owai’Ö fanunöma.
   Oi humulu dödöma, wanema Ya’ugö khöma.
   Onahia dödöma, wamatörö ya’aga.
3. Hosiana, So’aya, tologa, Ehao dödöma.
   Bohouni gamuata, fa böi alua wangala.
   Hagainiga Eheha, fa masöndra gaurifa.
4. Hosiana, So’aya, khö-U manö manötönaga.
   Dönisi göi nawöma, fa laröi nikhoi dödöra.
   Osara’ö dödöma, wamati khö-USo’aya.
5. Hosiana, So’aya, samatörö fefu niha.
   Abölö’ö ndra’aga, wangomasi’ö awöma.
   Fosinema ndra’aga, buala soroi Nama.

Baca Selengkapnya (klik di sini...)

45. HE IRAONO HE SATUA

2. He ya’ita zamösana böi abe’e dödöda.
   Duhu wa no möi ba khöda zangorifi ya’ita.
   Böi olifulifu ita wa’omasi Zo’aya.
   Tafonaha ba dödöda fa te’orifi ita.
3. Da tabè nihaogö Yesu gera’era dödöda.
   Ta’ombakha’ö horöda si möi fanguhukuda.
   Da ta’ogorofi horö ba fefu golalöwa.
   Me da’ö zumange-Nia wanema’ö Ya’ia.
4. Na no tatema’ö Yesu oi omuso dödöda.
   Me Ya’ia khöda haga sohagaini tödöda.
   Ituturu khöda lala saekhu ba zi so Ama.
   Nahia so’ahonoa ba zorugo si yawa.

Baca Selengkapnya (klik di sini...)

46. ME MÖI KHÖDA ZO'AYA

2. Yesu haogö dödöma, heta fefu zi fatimba.
   Be’e khöma Geheha, samatörö fa’aurima.
   Afu ma’ogorofi, zi lö omasi’Ö göi.
3. Ma’andrö khö-U So’aya be’e ba dödöma haga.
   Sohagaini tödöma ba wanema’ö Mesia.
   Aine böi talu’iga onahia dödöma.
4. Fo’arota ba khöma, Geheha Ni’amoni’ö.
   Samaha’ö ya’aga, ba wolo’ö somasi’Ö.
   Ya aro wamatima, khö-U Keriso So’aya.




5. Börö wa’omasi-Mö wa möi’Ö ba gulidanö.
   Lö omasi Ndra’ugö na tekikoga ba horö.
   Matema’ö Ndra’ugö moroi sibai ba dödö.

Baca Selengkapnya (klik di sini...)

47. HIZA TOHARE MESIA

2. Hiza, tohare Mesia, Ono Wondrege Zalawa.
   Da tafa’anö dödöda, ba wanema’ö Ya’ia.
   Tödöda zumange-Nia, fanunö wangowai-Nia.
   Tasuno Zo’aya, samè fa’aurida.
3. Hiza, tohare Mesia, Ono Wondrege Zalawa.
   Ta’omusoi’ö dödöda, me sangöhöli ya’ita.
   Sangomasi’ö ya’ita, sahakhö tödö ba niha.
   Tasuno Zo’aya, samè fa’aurida.
4. Hiza, tohare Mesia, Ono Wondrege Zalawa.
   Da tabohouni dödöda, taröi dödö si tohöna.
   Talulu wa’abölöda, wolo’ö somasi Ia.
   Tasuno Zo’aya, samè fa’aurida.
5. Hiza, tohare Mesia, Ono Wondrege Zalawa.
   Haga nifatenge Nama, möi tou ba gulidanöda.
   Ba wohagaini tödöda, wangatulö’ö ya’ita.
   Tasuno Zo’aya, samè fa’aurida.

Baca Selengkapnya (klik di sini...)

48. BA ZORUGO MOROI NDRA'O

Mohon Maaf, audio untuk lagu ini belum tersedia...!

2. Bongi da’a tumbu Nono, ono alawe zadono.
   Ono Wondrege Zalawa, sangomusoi’ö tödöda.
3. Mitöngöni dandra andrö, ba luha yawa telölö.
   Ono andrö zamatörö, fefu nösi gulidanö.
4. Da’ö Keriso So’aya, Ono Lowalangi Ama.
   Sangorifi, Sangefa’ö, Sangeheta fefu horö.
5. Same’e khöda fa’auri, si’otarai Lowalangi.
   Afu dozi te’orifi, zi lö faröi ba wamati.
6. Ya somuso tödö ita, sowulo ba mbongi da’a.
   Simane ira kubalo, sangalulu khö Keriso.
7. Tasuno Lowalangida, samè Ono-Nia khöda.
   Tandra wa’omuso dödö, tafao, ta’oigö wanunö.

Baca Selengkapnya (klik di sini...)

49. MI'AINE IRAONO

2. Somuso dödöda Ibe’e khöda.
   Sindruhu wa möi fangorifi niha.
   Fondrege zi sökhi zitumbu andrö.
   Me lö si fabaya ngawalö horö.
3. Sinumana Yesu, me tumbu Ia.
   Me lö omo niha sonaha ira.
   Andrö wa ba kandra tumbu Mesia.
   Ha du’u wolölö, luha wöröma.
4. Tohare gubalo soroi mbenua.
   möi ira lafaigi Yesu ba kandra.
   Dozi mangalulu lafaöndrö ira.
   Faduhu dödöra li mala’ika.
5. Tafaöndrö göi ita fao fangalulu.
   Da tafosumange Zo’aya Yesu.
   Omuso dödöda talau manunö.
   Me no to’ele Razo Wa’atulö.
6. Malulu dödöma, mabe’e khö-Mö.
   Mabè sumange-Mö, ba tema haogö.
   Bohouni dödöma soroi Geheha-U.
   Afu lö aefa ndra’aga tana khö-U.

Baca Selengkapnya (klik di sini...)

50. SAHÖLI TÖDÖ GUBALO

Mohon Maaf, audio untuk lagu ini belum tersedia...!

2. Haga Wondrege Zalawa, si no fao khö mala’ika,
   Möi fameta’u gubalo, wa’ato’ele zorugo.
3. Ba humede mala’ika,” Böi mi’ata’ufi haga.
   Turia nifarongogö, duhu omusoladödö.”
4. No tumbu Yesu So’aya, sitobali ösi niha.
   To’ele Ia ba kandra, yomo ba Mbetilekhema.
5. No tefagaya ba luha, ba naha wa’anumana.
   Lakhömi-Nia no Iröi, ba wangorifi fefu soi.
6. Ya oi omusodödöda, me no tarongo duria.
   Nifa’ema mala’ika, Yesu zangatulö niha.
7. Ta’omusoi’ödödöda, ya’ita banua-Nia.
   Da talulu wa’aurida, sumange Yesu So’aya.

Baca Selengkapnya (klik di sini...)