- Töngöni Yesu So’aya, sabutödö wangandrö.
Me tehare’ö khö-Nia, fefu ngawalö horö.
Ilu’i fefu horöda, fa lö alua tatema, wönu Lowalangida.
Alua mböböi Zo’aya, do si’oroi mboto-Nia, mowöiwöi tou ba danö. - Töngöni Yesu So’aya, mè no lara’u Ia.
La’ohe föna zalawa, latandrawaisi Ia.
Ba lafalali nahia, oi lafakao, la’o’aya, lafabözi’ö Ia.
Itaögö fefu Itaha, he oi mangele ndro-Nia, lö hedehede-Nia. - Töngöni Yesu So’aya, ba Hili Gologata.
Me no aetu huku-Nia, ba la’osö ba röfa.
He wa’ae lö nisöndrara, horö awö golalöwa, ba no lahuku Ia.
Fefu da’ö no Itaögö, fa tobali samatörö, si lö tebulöbulö. - Töngöni Yesu So’aya, saetunoso ba röfa.
Mangandrö salahi niha, samoröfa Ya’ia.
“He Ama bè aefa khöra, me lö la’ila nilaura,böi be’e fo’ömöra.”
Da’ö wa’omasi-Nia, ömöda fefu Ibu’a, fa’auri Ibè khöda. - Töngöni Yesu So’aya, sangomasi’ö niha.
Si mate yawa ba röfa, tobali salahida.
Sulö wa’omasi-Nia, lafaogö ba zango’aya, hulö zo’olalöwa.
Khöda fefu manandrösa, nitaögö Yesu So’aya, ba wolo’ö li Nama.
