51. AMAEDOLA LEWIÖ
![](https://blogger.googleusercontent.com/img/b/R29vZ2xl/AVvXsEjJkamsZOY-1qfXfED25PYFRcgJv3ojlsIXcNnP5cAy3q0SuVl0hGaT6qjlcTNeaODcHucUKU5DDlhmP9qoJo-M5Ch6UWfPdun7e8_sfJ-oz2zrd3aG4kX369hFnoyez85KEsLpd8DGveNPQWIScwqQh9LbtWFVXGxmEiRxlCN_touJlTmI1FoYePDD/s1600/051.jpg)
- Amaedola lewiö, ma’uwu Giza’i.
Da’ö Nono situmbu, amabu’ula li.
Ya’ia Zo’aya, soroi khö Lowalangi, si möi mangöhöli. - Amaedola lewiö, niwa’ö Yesaya.
Si no mu’adonogö, tumbu khö Maria.
Ya’ia zangalui, ya’ita si no taya, afu te’orifi. - Amaedola lewiö, ba li Zakharia.
No umbu wangorifi, soroi khö Yehowa.
Molakhömi Ia me Ono Lowalangi Fondrege Zalawa. - Tasuno Lowalangi, umbu wa’omasi.
Me Ifatenge Yesu lala ba wa’auri.
Fefu wa’aurida, tabè sumange-Nia, soroi ba wamati. - Khö-U, Yesu, mabè dödö, awö wa’aurima.
Ya lö faröi ndra’aga, ba wolu’i röfa.
Fehi’a dödöma, aro’ö wanötöna, götö wekolima.