Mohon Maaf, audio untuk lagu ini belum tersedia...!
- Si lö ara wekoligu, si lö anaunau nosogu,
lö udönadöna na aetu. Andrö humulu dödögu,
ba wogamö si so Yesu, me no I’efa’ö horögu.
No Ihaogö wa’aurigu, Eheha si’oroi Yesu. - No safökhö wekoligu, börö wa oya nudugu,
si maosomaoso ba dödögu. Ha sa fa’omasi-U, Yesu,
wa lö te’ala, elungu, he no ahatö zamaelungu.
Me Ya’ugö zi fao khögu, andrö omuso dödögu. - He Yesu, Razo sindruhu, Ama solomasi khögu,
fa’auri-Mö bè fa’aurigu. Eheha-Mö be’e khögu,
fa ukhamö zawatögu, ba a’aro’ö wamatigu.
Fa tola urugi wozu, ba naha nihaogö Yesu. - Me lö sangila inötö we’aso-Mö, samuza tö,
lö atagedo wombase’ö. Utötöna, fao ndra’o khö-U.
ba naha sahono dödö, na no inötö wogaoni-Mö.
Na maoso, uröi lewatö, ono-U ndra’o lö mamalö.
