481. OMASIDO MÖI BA MIGU

Mohon Maaf, audio untuk lagu ini belum tersedia...!

2. Me fahawu wanuköugu, ba lö u’ila mörö.
   Me urongo li dorosi, fanunö ba fangandrö.
   Maniasa dödö, lö sa’ae fakhamö.
   Da udalaigö möido ba zi fitu bongi tö.




3. Me no urugi gosali, ba nahia wangandrö.
   Imane bakha tödögu, "böi angandrö aila’ö."
   Andrö no udölö, no u’osatulö.
   Huhuo Zamaha’ö, ha urongorongo manö.




4. Me urongo li Zo’aya, nifa’ema Zamahaö.
   Awena oroma khögu, fefu ngawalö horö.
   Tosinga ba dödö, afökhö wolo’ö.
   Me oi itutuli gamuatagu si lalö.




5. Omasi ndra’o ena’ö, möi mangombakha horö.
   Imane bakha tödögu, ”Böi aösö baloi manö.”
   Alai mbekhu horö, solumölumö’ö.
   No telimo ndra’odo, ihawui fa’alaŵö.




6. Hulö nisaitagö yaŵa, lalagu wondröi horö.
   Uhalö zui na moguna, na falukha zafökhö.
   Duhu alimagö, wondröi si to’ölö.
   Me hulö girögirö safökhö wanibo’ö.