151. FONDRONDRONGO LI ZO'AYA IKAONI ITA
![](https://blogger.googleusercontent.com/img/b/R29vZ2xl/AVvXsEiW_HdeoFOMDJThpYO67RQ8eNviyz2PTHBynqYPM6Nhlao3zTzBfr2C2KGVdM9r30Yjq--isAdJKxo-yTf24SqQKX14KxvoN2Ip_EdBs2iRtxnpfzBwaTa9vE5aGw5bqmpxCyookJG1u3fYGKXRbqnfJarzLpoWdTxo35iKsUS5-84y0KtdIoK8qcBDekA/s1600/151.jpg)
- Fondrondrongo li Zo’aya, Ikaoni ita.
Fefu gomusola dödö Ibe’e khöda.
Ba fefu golalöwa oi I’atulö’ö sa.
Na solo’ö Yesu ita lö sa te’ala. - Fondrondrongo li Zo’aya, sihede khöda.
Dozi si lö mamonaha, a’oi te’ala.
Lö a’ozu latema, mbuala soroi Nama.
Fa’auri so’ahonoa, götö wa’ara. - Fondrondrongo li Zo’aya, fangorifida.
Ya so wa’anau gölöda, ba wasöndrata.
No fahöna wangala, sanaisi era’era.
Da tatöngöni Zo’aya, me kubaloda. - Fondrondrongo li Zo’aya, fangabölöda.
Afu oi oroma khöda, zindruhu lala.
Fefu niwa’ö-Nia, ta’o’ö, böi tatimba.
Me no li si’oroi Nama, si fao Eheha. - Fondrondrongo li Zo’aya, no femönada.
He afökhö ba wolo’ö, böi faröi ita.
Me lö aekhu gölöda, na sanau ölö ita.
Me no Ifabu’u khöda, Ibè wemöna.