Mohon Maaf, audio untuk lagu ini belum tersedia...!
- No abu sibai dödögu, lualua wa’aurigu.
Na lösa mangurakhado, ba wemanga boto Yesu.
Lö falukhado wangefa, ha sambalö fanguhuku.
Lö zi lö utema wönu, fa’amate si lö aetu. - Yesu zi no mangoroi’ö, femanga ni’amoni’ö.
Na fao ita ba wanema, ba da’ö tafaduhu’ö.
Wa ta’ogorofi horö, fa tatema wangatulö.
Ba fangorifida Yesu, silö aetu, lö mamalö. - Ba somuso tödö ita, na khö Yesu wa’aurida.
Lö göi mangiwa dödöda, ba wogamö si so Ama.
Me Yesu zifao awöda, ba sanimba fangalada.
Ba samakhamö’ö khöda, sawatö so’ahonoa. - Yesu zi no mamelegö boto-Nia salahida.
Ikaoni, I’atulö’ö, fefu niha si no taya.
Lö manö fa’aekhu gölö, na tatara lahe-Nia.
Na so wa’anau gölöda, wamalua fasöndrata. - Ö andre si no tatema, tobali fangabölöda.
Ba wolawa fanandraigö, sangu’uni fa’aurida.
Ha Yesu lembalembada, böi tebulö wamatida.
Fa tarugi ba takhamö, naha nifabu’u Nama.
